Kambio den enseñansa desde 2011
Desde 1 di yanüari 2011 Hulanda ta kubri gastu di skol i desde 1 di ougùstùs 2011 e asina yamá Leinan di Enseñansa Hulanda Karibense ta na vigor. (Caribisch Nederlandse Onderwijswetten). Ta introdusí kambio den kontenido di enseñansa gradualmente. Pa logra esaki e skolnan ta traha huntu ku Ministerio de Enseñansa. I ku ofisina di Ministerio di Enseñansa na Hulanda Karibense: RCN/OCW
Djis un bista riba e kambionan den enseñansa desde 2011:
- Enseñansa obligatorio ta konta pa mucha di 4 te ku 16 aña.
- Despues di esei alumno ta obligá pa saka diploma mbo 2 òf diploma pa HAVO te ora e tin 18 aña. Despues e ta obligá pa bai traha, siña òf kombiná e dos kosnan akí.
- Enseñansa di fundeshi ta yama awor: Enseñansa Primario (Primair Onderwijs, PO)
- Desde 2014 ta duna lès na ingles na Sint Eustatius, meskos ku na Saba. Mientrastantu e dos islanan ta traha ku sistema di enseñansa na ingles CXC
- Na Sint Eustatius i Saba Hulandes tin státus di ‘Idioma strañero fuerte’
- Desde 2011 formashon profeshonal na nivel sekundario yama enseñansa profeshonal sekundario (mbo).
- Na kada un di e tres islanan, tin instansia aktivo den trayekto chèns sosial, esaki konforme Lei pa chèns sosial hóbennan (Sociale Kanstrajecten Jongeren).
- Na tur e tres islanan a lanta Sentro di Ekspertisio Kuido den Enseñansa (EOZ) pa guia mucha ku mester di atenshon èkstra.
- E skolnan ta kai bou di supervishon di inspekshon hulandes pa enseñansa.
- Ministerio de Enseñansa Kultura i Siensia (OCW) ta fiha vakashon di verano.
- Entre 2012 i 2017 a traha riba mehorashon di alohamentu di enseñansa Esaki segun e plannan pa alohamentu di enseñansa trahá pa Entidatnan Públiko i OCW.
Kada isla a lanta un plataforma insular di enseñansa (Onderwijsplatform). Den e plataforma akí direktivanan di skol, gerensia di skol, mandatario insular i RCN ta deliberá huntu tokante e ambishonnan pa enseñansa. I e forma pa logra nan.