Bèrgwensa - Atake riba un otro persona

Oscar tin 10 aña i e ta biba huntu ku su ruman muhé i su mama. Su mayornan tin un relashon difísil. E komportashon di Oscar ta parse esun di su tata i su mama tin ku lucha hopi pa lidia ku esaki. Pa esaki, chék parti 1 di Bèrgwensa.

Lokual violensia i abusu por hasi ku bo

Oscar ta tenta un kompañero di klas paso e mes ta haña masha poko atenshon na kas i e ruman muhé mayor ta menospresi’é. Esaki  ta su manera pa anda ku e doló, rechaso i e desepshon ku e ta sinti. Tambe nos ta mustra kon un atake riba un otro persona por tuma lugá a base di un historia anónimo ku a pasa di bèrdat.

Esaki ta e historia doloroso di un hende muhé hóben ku a sufri di abusu seksual na un edat hopi yòn i  awor e ta sinti asina tantu rabia den su mes ku e tin miedu di hasi otro i su mes daño. Guiami, e konseho i punto di notifikashon di violensia doméstiko i maltrato di mucha - parti di tei p'abo -, ta kompartí e historia.

Den kaso di kualke forma di violensia òf sospecha di violensia, bo por tuma kontakto ku:

Guiami, e konseho i punto di notifikashon di violensia doméstiko i maltrato di mucha
Telefòn. 0802 0802
www.meldpuntguiami.com