Ayudo edukashonal obligatorio
Den kaso di ayudo edukashonal obligatorio un profeshonal di Jeugdzorg ta wak huntu ku e famia kiko ta mihó pa un mucha. I kon largu tin mester di ayudo. Tin bia tin mester di ayudo spesialisá: E ora ei Jeugdzorg ta sòru pa esei.
Tin bia e situashon na kas ta muchu peligroso pa un mucha. Òf pa motibu di e problemanan un mucha no por desaroyá su mes bon. Den e kaso ei por ta posibel ku un famia tin mester di un ‘time-out’. Un mucha ta bai e ora ei temporalmente na un lugá seif. Asina trankilidat por reina atrobe. Jeugdzorg ta wak huntu ku e famia kon ta e mihó manera pa hasi esaki. Si e situashon no ta seif, e profeshonal di Jeugdzorg ta hasi palabrashonnan ku e mayor(nan) tokante siguridat.
E desaroyo di un mucha ta kore peliger? E ora ei hues ta imponé ayudo obligatorio. Esaki yama Ponementu bou di Supervishon (OTS). Un yu tin bia ta bai biba temporalmente na un otro lugá. Un famia ta risibí sosten di Jeugzorg den esaki. Mas informashon tokante kuido di kriansa.