Protekshon di hóben
Tin bia mayornan ta risibí ayudo obligatorio pa edukashon di un yu. Esei ta sosodé ora e problemanan den un famia ta hopi serio. I ora siguridat di un mucha ta na peliger. Un famia por risibí ayudo obligatorio tambe, ora ayudo boluntario no ta yuda. Òf si no ta aseptá ayudo boluntario.
Por t’asina ku den e besindario nan ta hopi preokupá pa un mucha. Por ehèmpel e dòkter di kas, un maestro di skol òf bisiñanan. Nan por pidi yudansa di Kuido pa Hóben. Jeugdzorg por entregá un petishon pa ayudo obligatorio serka Voogdijraad.
Solamente hues por determiná si mester pone un mucha bou di supervishon. Tin bia un mucha mester bai (temporalmente) na un otro adrès òf un famia di kriansa. Esei ta algu drástiko. Pa e motibu ei esei ta sosodé solamente si esaki ta e kos di mas seif pa un mucha.
Naturalmente un famia mes tambe semper por pidi yudansa serka Jeugdzorg. Si e situashon no ta seif, no warda e ora ei! Buska ayudo mesora si den bo famia tin asuntu di:
- Violensia doméstiko
- Maltrato
- Negligensia
- Abuzu seksual
