Ponementu bou di supervishon (OTS)
Desaroyo di e mucha ta kore peliger? E ora ei hues por imponé ayudo obligatorio. Esaki yama Ponementu bou di supervishon (OTS). E hues ta risibí konseho tokante esaki di Voogdijraad.
A pone un mucha bou di supervishon? E ora ei un profeshonal di Jeugdzorg ta traha un plan di akshon. Akiden tin pará kiko mester sosodé pa solushoná e problemanan. Ta embolbí e profeshonal di Jeugdzorg den edukashon di e mucha. E ora ei un mayor (mayornan) ta tuma desishonnan importante pa un mucha huntu ku e profeshonal di Jeugdzorg. E profeshonal di Jeugdzorg semper ta konsultá ku su tim i ta tuma desishonnan den konsulta ku e koordinadó di tim i e sientífiko di kondukta.
Jeugdzorg semper ta basa su mes riba forsa di e famia. I riba e ret di un famia: hendenan ku tin gana di yuda e famia. Por ehèmpel famia-, amigu- òf bisiñanan.
Tin bia un mucha mester bai biba temporalmente otro kaminda. E ora ei e mayor(nan) ta haña aporte di Jeugdzorg. Jeugdzorg ta yuda e edukadónan temporal tambe. Semper ta wak kiko ta nesesario pa e mucha por regresá su kas.
Un Ponementu bou di Supervishon ta dura maksimal 1 aña. Tin bia mester prolongá e medida. Hues ta determiná esaki. Ponementu bou di Supervishon ta para outomátikamente ora un mucha hasi 18 aña.