Bai afo pa tratamentu mediko
Bo tin derechi pa bai afó pa risibi tratamentu médiko den kaso ku e tratamentu aki no ta posibel riba e isla unda bo ta biba. Ta trata aki bai afó pa risibí tratamentu serka un dunadó di kuido apuntá pa ZJCN na un otro pais den region (Kòrsou, Aruba, Sint Maarten, Saint Martin, Guadeloupe i Colombia), ku ken ZJCN tin un akuerdo kontraktual. Aktualmente ZJCN tin akuerdonan kontraktual ku dunadónan di kuido na Boneiru, Sint Maarten, Saint Martin, Guadeloupe, Kòrsou, Aruba i Colombia. Pa tratamentu médiko den eksterior ta nesesario un pèrmit previo di ZJCN, a ménos ku ta trata di un situashon di emergensia. Bo dòkter ta esun ku ta pidi pèrmit na ZJCN pa esaki.
Protokòl asistensia durante traslado médiko
Apertura
Kompañante durante un traslado médiko?
Sa kiko ta bo responsabilidat!
1
Ki ora un akompañante por biaha komo kompaño?
Si e asegurado no por biaha su so. Debí na un malesa grave, por ehèmpel. Òf debí na un inkapasidat, físiko òf mental. Akompañante no ta un derechi. E dòkter ta konsehá i ZJCN ta chèk si esaki ta posibel di akuerdo ku reglanan.
E asegurado tin ménos di 18 aña? Òf traslado ta dor di un parto? Den e kasonan aki 1 akompañante semper por bai ku bo.
Tambe por asigná un bruder lokal. Por ehèmpel den e kaso ku un persona no por haña un akompañante. Òf si mester di akompañante solamente pa un periodo kòrtiku.
Kon e akompaño di menornan di edat ta hinká?
Semper 1 mayor òf 1 persona di kuido por kompañá e mucha ku ta den un traslado médiko. Den kasonan eksepshonal, 2 mayor òf persona di kuido por kompañá e mucha.
2
Ken por ta un akompañante?
Un akompañante mester tin mínimo 18 aña. Nan mester por lesa i skirbi. Nan mester ta físikamente i mentalmente sano. E ora ei: e akompañante mester por realisá e tareanan ku ta pidi di dje na un manera korekto.
Un persona ku ta na estado pa mas di 28 siman no por ta un akompañante. Si ta abo mes ta den e traslado médiko, bo no por ta un akompañante pa un otro persona.
3
Kua ta e tarea- i responsabilidatnan ku un akompañante tin?
E akompañante mester por yuda e asegurado den tur tipo di manera posibel. Algun ehèmpel: yuda ora e persona ta baña, bisti paña i transporte. Bai hasi kompra, prepará kuminda i laba paña. Bai ku e persona hospital.
E akompañante tambe ta yuda ku dokumentonan, formulario i posibel tradukshonnan médiko. I e akompañante ta e persona di kontakto. Pa ZJCN, pa intermediarionan i pa e hospital.
4
Kiko ta pasa den kaso di komportashon iresponsabel òf kastigabel?
Lo no tolerá esaki. Den kaso di un notifikashon, ZJCN inisiá un investigashon. Si sali afó ku e akompañante efektivamente a komportá di manera iresponsabel òf kastigabel, na e momento ei nos lo para tur kompensashon.
Un akompañante mester bin bèk mesora. ZJCN lo no aseptá e persona mas komo un akompañante. Nos lo rekuperá tur daño i gastunan innesesario di e kousante.
5
Kon mi ta regla e kompensashon?
Tantu e asegurado komo su akompañante tin derechi na un kompensashon diario. ZJCN ta paga esaki na e asegurado. E asegurado lo hasi e pago na e akompañante. E pago ta un kompensashon. Esaki ta nifiká: ku no ta semper esaki ta kubri tur gastu.
E asegurado i e akompañante ta keda huntu den mes 1 kamber di hotèl. Si bo ke bo mes kamber, bo mes tin ku paga esaki.
Ta surgi konfliktonan? ZJCN no ta responsabel pa esaki. Bo mester resolvé esaki huntu.
6
Kon e biahe ta reglá?
E asegurado i su akompañante ta biaha huntu si esaki ta nesesario for di un aspekto médiko. Ademas, biaha huntu no ta obligatorio. E akompañante ya por ta na e lugá di traslado, òf por biaha bai ei nan despues.
7
Kuantu ekipahe bo por bai kuné?
E kantidat di ekipahe ta limitá. E peso máksimo ta di 15 kilo pa kada persona pa Kòrsou, Boneiru, Sint Maarten i Aruba. Pafó di Hulanda Karibense e máksimo ta 20 kilo pa kada persona Por rechasá ekseso di ekipahe òf esaki por nifiká gastunan adishonal pa e asegurado òf akompañante.
8
Kuantu tempu mi akompañante lo keda?
Un traslado médiko ta dura mas ku 4 siman ? Despues di 4 siman, e akompañante por kambia. E akompañante ta keda mas kòrtiku? E ora ei ZJCN lo no kubri e gastunan di remplaso.
E akompañante lo ta disponibel durante 4 siman si esaki ta nesesario? Hasi bon palabrashon tokante esaki!
9
Kiko ta pasa den kaso di malesa òf si e bai bèk mas trempan?
Si e akompañante mes bira malu promé ku salida òf durante un traslado médiko? E ora ei mester remplasá e persona aki. TUMA NOTA: mester di un deklarashon médiko pa esaki.
Tambe ta posibel ku e akompañante mester bai bèk diripiente. Por ehèmpel, debí na sirkunstansianan personal grave. Esaki ta posibel den konsulta ku ZJCN. E ora ei ta kompensá e gastunan .
10
Kiko ta pasa den kaso ku kuido riba término largu?
Durante e traslado, e derechi di akompañante por kaduká.
Un asegurado por ser atmití den un institushon pa kuido riba término largu.
Si atmishon ta mas largu ku 3 siman? Den e kaso aki, e derecho di akompañante ta kaduká. E akompañante por bai kas bèk. Esun ku ke keda na e lugá di traslado aki, mester paga pa esaki nan mes.
Despues ku e asegurado sali for di e institushon, e akompañante por sostené atrobe. E akompañante lo buska e asegurado na e lugá di traslado i biaha kuné pa e lugá di residensia.
TUMA NOTA: esaki ta posibel solamente riba indikashon médiko. E ora ei, ZJCN lo paga pa e gastunan di biahe.
11
Pa mas informashon: chèk e foyeto tokante Protokòl asistensia durante traslado médiko
12
geen voiceover; fadeout muziek
Biahe i estadia
ZJCN ta regla bo biahe, estadia i dokumentunan di garantia relashoná ku bo baimentu afó pa konsulta, eksámen òf tratamentu médiko.
Kompensashon
ZJCN ta kompensá e gastunan nesesario pa eksámen i tratamentunan médiko. Banda di esei, bo tin derechi riba e siguiente kompensashonnan ora bo bai afó pa tratamentu médiko:
- kompensashon diario pa bo mes i, si ta aplikabel, pa e persona ku eventualmente lo kompañábo;
- gastunan di bo pasashi i, si ta aplikabel, gastunan di pasashi di e persona ku eventualmente lo kompañábo;
- ‘airport tax’;
- gastunan di transporte pa e aeropuerto for di unda bo ta biaha, for di e aeropuerto na bo destinashon i vice versa;
- gastunan di hotèl òf gastunan di estadia serka famia òf amistat.
Kompaño
Ta posibel pa riba indikashon di bo dòkter, bo hasi bo biahe kompañá pa un persona ku lo kompaña’bo durante bo estadia den eksterior òf, e parti ku ta nesesario pa bo tin kompaño. Ku pèrmit di ZJCN bo tin derechi riba kompaño si komo asegurado bo ta:
- mas yòn ku 18 aña;
- mentalmente desabilitá;
- mobilidat limitá òf ta hasi uzo di medionan médiko ousiliar pa move;
- limitashon visual òf ouditivo;
- dje malu ei ku biahamentu sin kompaño no ta posibel;
- òf tin ku bai afó relashoná ku dunamentu di lus.
Despues di aprobashon i pèrmit di ZJCN, un asegurado menor di edat por risibi kompaño di dos persona.
- ta terminalmente malu;
- ta risibí tratamentu ku kemoterapia;
- ta sufri di leukemia.