Reglanan Spesial
Oferta i kalidat di kuido riba e islanan BES ta algu ku ainda ta den desaroyo. No ta tur biaha ta posibel pa direktamente duna e kuido deseá. Ta p’esei a inkluí algun regla partikular den e areglo di derechi di seguro di kuido pa e islanan BES. Manera:
Derechi riba kuido i transporte
Bo derechi pa kuido òf transporte pa sita médiko ta solamente bálido si bo ta dependé di esaki, ku bista riba bo nesesidat i servisio di kuido adekuá. Bo por pidi kompensashon solamente riba kuido òf transporte ku por otorgá na un manera rasonabel.
Artíkulo 10 insiso 4: skohe bo propio provedor di kuido
Bo por pidi pèrmit pa konsultá un provedor di kuido ku no ta disponé di un kontrakt ku ZJCN. Den e kaso aki, bo por hasi apelashon riba artíkulo 10 insiso 4 di e Besluit Zorgverzekering BES.
Si akaso e kuido nesesario ta disponibel serka un provedor di kuido ku ta bou di kontrakt ku ZJCN, lo referí bo na e provedor di kuido aki. Pero si ta bo deseo pa akudí na e provedor di kuido ku no tin kontrakt ku ZJCN, bo por konsultá artíkulo 10 insiso 4 di e dekreto. Mester di pèrmit adelantá di ZJCN pa hasi uso di e kombenio aki. E fecha di e pèrmit mester ta promé ku e fecha di tratamentu. Bo tratamentu no ta enserá un tratamentu médiko den eksterior.
Bo mester paga e gastunan médiko di adelantá /di antemano i pidi kompensashon di esaki via e formulario di deklarashon. E kompensashon pa bo tratamentu ta maksimá na e nivel di preis di e tratamentu den region òf na Hulanda. Tur gastu di biahe i di hospedahe ta bo responsabilidat. Aki bo por download e kondishonnan i deklarashon di akuerdo pa artíkulo 10 insiso 4.