Imigrantenan no por registrá mas ku e steker di Servisio di Inmigrashon i Naturalisashon pa Seguro Médiko BES na ZJCN. Solamente te ora ku IND a tuma un desishon, bo por inskribí na Ofisina di Registro Sivil i hasi petishon pa Seguro Médiko BES.
Riba https://papiamentu.rijksdienstcn.com/kuido--hubentut/kuido/emigra, e página di Facebook di RCN i via e foyeto ''Haña bo kaminda rápido na Hulanda Karibense' nos ta informá tur persona tokante e kondishonnan pa bin na remarke pa e Seguro Médiko BES.
E proseso di inskripshon na IND por dura te ku 6 luna. Pa optené mas informashon riba e proseso, bishita e wèpsait di IND: https://papiamentu.rijksdienstcn.com/imigrashon-i-naturalisashon
Si bo ta bai traha pa un dunadó di trabou di Hulanda Karibense na Hulanda Karibense, bo por registrá temporalmente pa un seguro médiko BES pa 3 luna, basá riba un deklarashon di un dunadó di trabou. Asina bo haña bo dokumento di IND i sédula/IDcard, bo seguro médiko temporal ta kambia pa e durashon di bo kontrakt di trabou. Si esaki no logra den e 3 lunanan, pasa na e ofisina di ZJCN pa ekstendé bo seguro médiko. E ekstenshon aki tambe ta aplikabel pa 3 luna. Asina bo tin bo sédula, bo por registrá pa e periodo di balides di bo sédula.
Esaki ta diferente pa kada pais. Por lo tantu, buska na bo pais di orígen pa seguro spesial pa ekspatriado òf hende ku ta biba afó. Bo no por sigurá bo mes pa gastu médiko privá na Hulanda Karibense; bo mester tin esaki regla promé ku bo emigrá.
Bo mester inskribí na registro sivil di Hulanda Karibense. Si bo a inskribí, Ofisina di Registro Sivil ta traha un karchi di identifikashon (sédula/karchi di identifikashon) pa bo. Komo asegurado, bo mester tin e sédula/karchi di identifikashon ku bo na tur momento, pa asina e provedor di kuido por verifiká si bo ta inskribí den e atministrashon di aseguradonan. Despues e provedor di kuido por manda kobra e gastunan pa kuido duná dirèkt na ZJCN. Sin e sédula /karchi di identifikashon aki, bo mes mester paga bo gastunan di kuido.
E personanan aki por keda sigurá, via e Seguro Médiko BES, pa un máksimo di 6 luna a base di e stèmpel di IND.
Ta usa e fecha di entrega di e dokumento di IND komo fecha di inisio di e seguro médiko BES. No por deklará e gastunan di kuido di e asegurado na ZJCN, promé ku e fecha aki. E asegurado mester deklará e gastunan médiko aki na e seguro di gastunan médiko, ku e la kontratá pa e periodo intermedio.
No, no tin diferensia pa haña derechi riba Seguro Médiko BES, si e persona tin un sédula/karchi di identifikashon.
No, no tin un periodo di transishon. Solamente personanan ku a registrá promé ku promé di yanüari 2022 pa un Seguro Médiko BES por hasi un demanda pa un periodo di transishon.