Plan di kordinashon suprainsular di kombatimentu di desaster i maneho di krísis Boneiru, Sint Eustatius i Saba

E Inspectie Justitie en Veiligheid (Inspekshon di Hustisia i Siguridat) en relashon ku e pasashi di orkannan Irma, Jose i Maria den 2017 a evaluá e sistema di kombatí desaster na Boneiru, Sint Eustatius i Saba. E inspekshon a konstatá ku e pasahe tokante e ròlnan, tareanan i kompetensianan manera nan ta inkorporá aktualmente den e Veiligheidswet BES (VwBes) entre otro den e plan di kordinashon di e Representante di Reino no tabata deskribí sufisientemente kla. Esaki tabata e motibu pa aktualisá e plan di kordinashon di kombatimentu di desaster i maneho di krísis suprainsular Boneiru, Sint Eustatius i Saba di 2017 prematuramente.

E aktualisashon di e plan di kordinashon ta duna kontenido na e obligashonnan legal for di e Veiligheidswet BES, ta klarifiká e ròlnan, tareanan i kompetensianan di e Entidatnan Públiko Boneiru, Sint Eustatius i Saba, e Representante di Reino i e relashon ku Hulanda Oropeo. Mirando e ubikashon di e islanan (paisnan) den e region di Karibe i pasobra sierto desaster i krísis (manera orkan, tsunami, teremoto etc.) no ta tene kuenta ku fronteranan teritorial, den e plan di kordinashon aki ta deskribí tambe e konekshon ku e paisnan Aruba, Kòrsou i Sint Maarten. Esaki ta un obligashon legal di artíkulo 47 VwBES i artíkulo 36 di Statüt di Reino Hulandes tambe.

E meta di e plan di kordinashon ta pa duna transparensia den e manera di trata ku desaster i krísis suprainsular den Hulanda Karibense. Spesífikamente dirigí riba e sinkronisashon di imágennan di informashon, e kompilashon i transmishon di petishonnan di asistensia di e Entidatnan Públiko i e sinkronisashon di desishonnan polítiko/atministrativo.

Klek aki pa e resúmen di e plan di kordinashon na Papiamentu.