Kiko mi por hasi si mi no ta di akuerdo ku e desishon?

Si bo no ta di akuerdo ku nos desishon riba bo petishon, bo por presentá opheshon kontra di esaki òf apelá esaki.

Schadefonds ta konsehá pa presentá opheshon promé. E prosedura aki ta grátis i ta duná bo un posibilidat èkstra pa hasi algu kontra e desishon. Banda di esei e prosedura di opheshon ta no ofisial i bo ta haña e chèns durante un seshon (via un konekshon di video) pa aklará bo opheshon.

Bo por entregá un karta di opheshon via Ofisina Yudansa pa Víktima. Sòru ku Schadefonds risibí bo opheshon pa mas tardá denter di seis siman despues di e fecha ku ta pará na parti ariba di e desishon.

Schadefonds en todo kaso ke sa:

• dikon bo no ta di akuerdo ku e desishon
• si bo ke un seshon pa aklará bo opheshon
• e referensia di e desishon (esaki bo ta haña na parti ariba di e karta)
• e fecha di bo karta
• bo nòmber i direkshon
• bo firma (kontrolá pa Ofisina Yudansa pa Víktima)

Si bo no ta di akuerdo ku nos desishon riba bo opheshon

Si bo no ta di akuerdo ku nos desishon riba bo opheshon, bo por hasi apelashon serka e Korte den promé instansia. Esaki tin su asiento riba e isla kaminda bo ta biba. Bo ta manda bo karta di apelashon e ora ei pa e Korte (http://www.gemhofvanjustitie.org/).

Den e karta di apelashon bo ta skirbi di kon bo no ta di akuerdo ku e desishon riba bo opheshon. Manda un kopia tambe di e desishon di Schadefonds. E hues ta evaluá bo karta di apelashon. Kisas ta invitá bo pa un seshon. Si e hues ta di akuerdo ku bo, Schadefonds ta tuma un desishon di nobo. Den esaki ta tene kuenta ku e veredikto di e hues.