Kiko mi por hasi si mi situashon a kambia?

Si tin echonan nobo òf sirkunstansianan ku a kambia despues ku bo a haña un desishon negativo riba bo petishon (bo no a haña un pago), bo por entregá un petishon pa revishon. Schadefonds e ora ei tin mester di prueba tokante e echonan nobo òf sirkunstansianan ku a kambia. Ta evaluá bo petishon di nobo i bo lo haña un desishon nobo.

Un ehèmpel: Schadefonds a rechasá bo petishon pasobra e investigashon tabata andando ainda i pa e motibu ei no tabata sufisiente kla kiko eksaktamente a tuma lugá (motibu, manera un ke otro a sosodé i sirkunstansianan di e delito). Pero awor e investigashon a terminá i for di esaki ta resultá klaramente kiko presis a tuma lugá. Den e kaso ei bo por entregá un petishon pa revishon.

Ofisina Yudansa pa Víktima por yudá bo ku e entrega di un petishon pa revishon.