Kon haltu e pago ta?

Bo ta risibí di Schadefonds un pago di un solo bia di un suma di sèn, esaki ta komo un sosten finansiero. Pues bo no ta risibí daño i perhuisio òf indemnisashon di daño.

Si bo ta víktima di un krímen violento, e ora ei e pago ta entre € 1.000 i € 35.000. Schadefonds ta traha ku seis asina yamá kategoria di leshon. Pa determiná kon haltu e pago ta bira, ta wak e siguiente asuntunan:

• e leshon físiko i/òf síkiko
• e konsekuensianan di e leshon, por ehèmpel no por traha hopi tempu
• e sirkunstansianan bou di kua e violensia a tuma lugá

Mas grave e leshon, e sirkunstansianan i e konsekuensianan ta, mas haltu e kategoria di leshon i e suma korespondiente. Pa e evaluashon di e altura di e pago Schadefonds ta usa un lista di leshon. E lista di leshon ta duna un resúmen di e leshonnan mas komun i kua pago ta korespondé ku esaki.

Pago èkstra pariente di defuntu

Si bo ta pariente di defuntu di un víktima di un krímen violento òf un morto pa motibu di un delito di kulpa, bo ta haña un suma fiho di € 5.000. Banda di esei bo por haña un pago èkstra pa e gastunan di entiero i pa daño ku bo ta sufri dor di e pèrdida di e entrada di e defuntu. Pa esaki e Schadefonds mester di prueba sí, manera resibu, spesifikashon di seguro, prueba di suèldu òf relato anual.

Tipo di kambio

Ta determiná e pago den Euro i lo buk e den US dòler riba bo kuenta. E suma ku ta di buk finalmente riba bo kuenta, pa e motibu ei ta dependé di e tipo di kambio.