Kon largu ta dura te ora Schadefonds hasi e pago?

Pa tratamentu di bo petishon Schadefonds tin un máksimo di 26 siman di tempu. Si bo manda tur informashon i dokumento nesesario huntu ku e petishon, e chèns ta mas grandi ku bo ta haña un desishon mas lihé. E tratamentu por dura mas largu si ta trata di un kaso kompliká, òf si bo no manda tur prueba huntu ku e petishon.

Si Schadefonds disidí ku bo ta haña un pago di un solo bia, lo bo risibí un karta ku e desishon via Ofisina Yudansa pa Víktima. Despues di a manda e karta aki, ta depositá e suma dentro di 30 dia riba e number di kuenta ku bo a duna. Si bo ta bou di atministrashon, ta depositá e suma riba e number di kuenta ku bo atministradó duna.