Kon mi por entregá un petishon?

Bo por entregá un petishon na dos manera:

• Bo ta pasa serka Ofisina Yudansa pa Víktima i nan ta entregá e petishon digitalmente pa bo.
• Bo ta prent un formulario di petishon i manda esaki, ku un kopia di bo pasport/sédula/reibeweis i tur otro dokumento nesesario, ku pòst pa Schadefonds den Hulanda Oropeo.

Schadefonds ta konsehá bo pa entregá e petishon via Ofisina Yudansa pa Víktima. Esaki pasobra pòst di Hulanda Karibense pa Hulanda Oropeo por tarda. Ofisina Yudansa pa Víktima por entregá bo petishon digitalmente i sin pèrdida di tempu serka Schadefonds.

Banda di esei Ofisina Yudansa pa Víktima tin eksperensia den yenamentu di formulario di petishon i nan sa eksaktamente kiko ta importante pa Schadefonds. Ofisina Yudansa pa Víktima tambe por kontrolá bo identidat di parti di Schadefonds, dor di wak bo pasport/sédula/reibeweis.