Mi por entregá un petishon si mi tin solamente leshon síkiko (mental)?

Sí, bo por entregá un petishon si bo tin solamente leshon síkiko dor di e krímen violento. Meskos ku serka leshon físiko, mester trata di leshon grave sí. Ehèmpelnan di leshon síkiko grave por ta:

·        trouma síkiko

·        miedu riba kaya

·        depreshon

·        fobia

Pa por hasi un evaluashon di bo leshon síkiko (i e altura di e pago), Schadefonds ta evaluá si bo ta (tabata) bou di tratamentu pa bo leshon síkiko serka un dunadó di tratamentu. E dunadó di tratamentu aki mester tin registrashon BIG, ku marka di servisio NIP ku nota básiko di sikodiagnóstiko (BAPD), ku registrashon NVO ku nota básiko di diagnostiká (BAD) òf un kontrato ku e Ofisina di Kuido Médiko. Schadefonds ta haña ku ta importante ku e diagnósis ta bini di un dunadó di tratamentu kompetente i ku e diagnósis ta konfiabel. Na www.bigregister.nl, www.psynip.nl, www.nvo.nl/registraties i Ofisina di Kuido Médiko bo por wak si bo dunadó di tratamentu tin e registrashon òf marka di servisio aki.

E leshon síkiko mester ta okashoná dor di e krímen violento. Pa esaki Schadefonds tin mester di informashon médiko di bo dunadó di tratamentu. Den esaki mester tin informashon tokante di bo kehonan síkiko i dor di kiko esakinan ta okashoná i e diagnósis i informashon tokante e (durashon di e) tratamentu. Solamente ku bo outorisashon ta puntra informashon serka e dunadó di tratamentu.

Serka sierto krímen violento Schadefonds semper ta sali for di e punto di bista ku bo tin leshon síkiko grave. Esaki ta wòrdu yamá ‘presuposishon di leshon grave’ i ta sosodé por ehèmpel ora ta trata di agreshon seksual òf violashon, violensia doméstiko (ku a tuma lugá un tempu largu i frekuentemente) i menasa ku un kuchú òf arma di kandela. Den e kasonan aki bo no tin mester di ta bou di tratamentu di un sikólogo òf sikiatra pa haña un pago di Schadefonds.