Mi situashon a kambia despues di e petishon: revishon i komplementario

Kiko mi por hasi si mi leshon tòg a bira mas grave?

Si bo leshon ta resultá di ta mas grave òf a bira mas grave despues ku bo a haña un desishon di Schadefonds riba bo petishon, bo por entregá un petishon adishonal.

Pa un petishon adishonal Schadefonds tin mester di e dokumentonan médiko den kual tin pará ku e leshon ta mas grave ku loke a tene kuenta kuné den e promé desishon. Schadefonds ta evaluá e ora ei si ainda bo lo haña un pago mas haltu. Si bo leshon en bèrdat ta mas grave i un pago mas haltu ta korespondé na esaki, e ora ei bo ta haña e diferensia entre e dos sumanan depositá riba bo kuenta. 

Dos ehèmpel di un situashon pa kua bo por hasi un petishon adishonal:

• Bo a keda finalmente hopi mas largu bou di tratamentu pa bo kehonan síkiko ku a tene kuenta kuné den e promé desishon.
• Bo leshon físiko ta resultá di ta mas grave tòg ku loke a tene kuenta kuné den e promé desishon. Ehèmpel: bo haña un tratamentu di kanal di rais di djente i a pone un djente pèrdí bèk. Despues ta resultá ku e djente ta morto i ainda mester rank’é.

Komo pariente di defuntu bo por solamente hasi un petishon adishonal pa gastunan di entiero i pa daño ku bo ta sufri dor di e pèrdida di e entrada di e defuntu. Bo por entregá un petishon adishonal na mes manera ku un petishon normal. Ofisina Yudansa pa Víktima por yudá bo ku esaki.