Mi a bira víktima di violensia doméstiko pero mi no a hasi denunsia. Mi por entregá un petishon?

Sí, un denunsia no semper ta nesesario pa un pago di Schadefonds. Schadefonds ta tuma petishonnan den tratamentu tambe sin (un kopia di e) denunsia. Si bo no a hasi denunsia, mester sali na kla sí for di otro dokumentonan kiko a sosodé. Den esakinan mester tin sufisiente informashon tokante e delito, e motibu i e sirkunstansianan. 

Den e kaso di violensia doméstiko frekuentemente tin diferente partido ku ta na altura di e situashon i ku ta disponé di informashon ku por fundamentá e relato di e víktima.

Schadefonds ta konsehá víktimanan pa presentá mas tantu informashon posibel.

Pensa den esaki riba:

• Mèldu hasí serka polis
• Informashon di polisnan di bario/lidernan di bario ku ta na altura di e situashon
• Deklarashonnan di sikólogo òf sikoterapista
• Informashon médiko di dòkter (di kas)
• Informashon i investigashon di Voogdijraad, Kuido pa Hóben i Bienestar di Famia, Sentro pa Hubentut i Famia òf por ehèmpel e Kas di Kuido i Siguridat.