Schadefonds ta kompensá e daño ku mi ta sufri dor di e pèrdida di e entrada di e defuntu?

Schadefonds no ta kompensá tur daño ku bo ta sufri dor di e pèrdida di e entrada di e defuntu. Sí ta duna un kompensashon di e daño ku no ta kubrí dor di por ehèmpel e malechor òf un seguro di aksidente òf di bida. Esaki yama ‘pèrdida di supsistensia ’.

Ku e kompensashon di e daño aki Schadefonds ta spera di yuda e pariente di defuntu pa e por mantené su nivel di bida. Ta importante ku bo por demostrá pèrdida di supsistensia.

Parientenan di defuntu ku por haña un pago ta:

• e partner (no) kasá ku a keda atras
• e yunan menor di edat ku tabata dependiente (e defuntu tabata sòru pa nan mantenshon) 
• e yunan mayor di edat (di 18 te ku 20 aña) ku ta sigui un estudio fultaim ku e defuntu tabata paga (parsialmente)

E altura di e pago ku ta duna pa esaki ta dependé di:

• e entrada di e defuntu
• e entrada di e partner (no) kasá ku a keda atras
• e relashon di e pariente di defuntu ku e defuntu (pues si bo tabata partner òf yu dependiente), i
• si e pariente di defuntu ta un yu dependiente: e edat.

E altura di e pago ta entre € 5.000 i € 25.000. Den e Beleidsbundel [FH1] bo por lesa mas tokante esaki.

  [FH1]Link naar BB