Schadefonds ta kompensá gastunan di entiero tambe?

Sí. Schadefonds ta duna solamente un pago pa e gastunan di entiero ku por ehèmpel e malechor òf un seguro di entiero no a kubri. Tin un kompensashon máksimo di € 7.500 pa e gastunan di entiero di un víktima ku a fayesé, tambe ora e gastunan en realidat ta mas haltu. Ta importante ku bo por prueba e gastunan di entiero.

Gastunan di entiero ta tur gastu hasí pa e entiero òf kremashon di e víktima ku a fayesé. Manera e gastunan pa e funerario, e mesa di kòfi i e piedra di graf òf urna.

Bou di e pago ta kai tambe e gastunan hasí si ta dera e defuntu den eksterior. Esaki por trata di e gastunan pa e traslado di e defuntu pa eksterior i e gastunan di biahe i alohamentu di un máksimo di dos miembro di famia.

Schadefonds ta kompensá tambe e gastunan di biahe i alohamentu di un máksimo di dos miembro di famia di e defuntu si nan ta biaha pa e entiero pa un di e otro islanan BES, Hulanda Oropeo òf pa eksterior.