Ku ken òf kiko hóben i mayornan ta haña nan ta atendé kuné den kaso di un echo kastigabel?

Polis

Polis ta detené e hóben i ta bai kuné warda di polis pa interogashon.

Abogado

Un abogado ta sali na defensa di un persona sospechoso, durante un interogashon i na korte. Durante un interogashon dor di polis kada hóben tin derecho riba un abogado. Polis mester regla un abogado pa e hóben.

Prosèsferbal

E prosèsferbal ta un papel ofisial di polis. Akiden tin pará kiko e hóben a konta polis tokante e lokual ku el a hasi. Tambe tin para ei den kiko testigu- i víktimanan a bisa.

Investigadó di konseho

Esaki ta un kolaboradó di Voogdijraad ku ta risibí e prosèsferbal. E investigadó di konseho ta hasi investigashon di e hóben i di e situashon den e kas di famia. E investigadó di konseho por bishitá e hóben na warda di polis si e hóben mester keda detené mas largu.

Fiskal

Fiskal ta traha pa Ministerio Públiko i por trese un hóben dilanti di hues ora el a hasi algu ku no tin mag. E fiskal ta bisa hues kua kastigu e hóben mester haña.

Hues

Hues ta investigá e kaso durante un seshon i ta disidí kiko mester pasa ku e hóben. E ta imparsial.