Bai directamente na kontenido

Kiko ta e efekto di un divorsio (ku konflikto) riba mucha?

Un divorsio entre mayornan por ta doloroso pa mucha. Mucha ta haña nan tin bia ku problemanan riba término kòrtiku i largu despues di un divorsio. Ehèmpelnan di problemanan ta:
 

  • Problemanan emoshonal manera strès, un outo imágen abou, angustia òf sentimentunan depresivo;
  • Problemanan di komportashon manera agreshon, rabia, formanan di delinkuensia, vandalismo i droga;
  • Problemanan sosial manera tenshon den e relashon mayor-yu i problemanan ku amigunan
  • Ménos prestashon na skol

No ta tur mucha ta eksperensiá problema ora di un divorsio. Ku hopi mucha kos ta bai relativamente bon te hopi bon atrobe despues di tempu. Pero un kantidat di mucha ta eksperensiá problema pa un tempu mas largu. Si un divorsio entre mayornan bai ku hopi konflikto i violensia – un divorsio ku konflikto – e ora ei e konsekuensianan pa mucha hopi bia ta mas serio.

Konsekuensianan negativo ku por por bin dilanti serka muchanan ta problemanan di lealtat, alienashon di mayornan, rechaso di mayornan i sintimentu di responsabilidat pa bienestar di e mayor. Muchanan por haña e heful ku nan mester skohe entre nan mayornan. Nan por rechasá un di e mayornan pa skapa di un esfera hostil òf nan por sinti nan mes responsabel pa bienestar di e mayor.

Kiko mayornan mester hasi                                                                                                                                                                                                                          

 Kiko hóbennan mester hasi
  • Protehá bo yu dor di duna amor i atenshon i ten’é leu di pleitu.   
  • Duna bo opinion i bisa loke bo ta deseá. Pero mayornan ta disidí.
  • Sea konsiente ku muchanan yòn tambe tin molèster di konflikto i strès.  
  • Diskutí bo emoshon- i sentimentunan tokante e divorsio ku profeshonalnan òf ku un persona den bo besindario.
  • Sea konsiente di esaki: muchanan tin mag i por duna nan opinion. Pero mayornan ta disidí.
  • Realisá ku bo tin derechi pa stima tur dos bo mayornan i pa keda fiel na nan.
  • Realisá ku paternidat igual no ta nifiká ku mester repartí kuido presis igual
  • Realisá ku si bo mayor, despues di e divorsio, kuminsá trata bo manera un adulto, ku esaki no ta korekto. Bo tin derecho di keda mucha den bo relashon ku bo mayornan.
  • Realisá ku muchanan pa definishon no ta mihó serka e mayor di e mes sekso
  • Sea konsiente di esaki: kiko ku pasa ku bo mayornan, bo tin derecho riba kuido.
  • Konta bo yu – preferiblemente huntu – kiko ta bai pasa.
  • Purba komprondé bo mes mas mihó dor di papia, tene un buki di dia òf buska informashon.
  • Bisa bo yu kla i kontinuamente ku e divorsio no ta su falta.
  • Aseptá ku bo no konosé ni ta komprondé tur bo sentimentunan.
  • Duna bo yu e sentimentu ku e por stima ámbos mayor.  
  • Sea konsiente di esaki: mayornan tin nan problemanan, abo tin di bo i eseinan abo mes kier solushoná nan.
  • Pone skol/akohida di mucha/klup na altura di kambionan.
  • Puntra bo mayornan pa buska ayudo si nan no por papia bon ku otro.
  • Stimulá kontakto ku e otro mayor.                                       
  • Buska ayudo si bo ripará ku abo mes ta pasando den momentunan difísil