Ken ta traha riba un investigashon di e konseho?

E investigadó di e konseho

Esaki ta un kolaboradó di Voogdijraad CN ku ta hiba kombersashonnan ku e mucha, mayor- i otro personanan ku konosé e mucha bon. E kier saka afó kon ta bai ku e mucha den su ambiente. E mucha ta seif? E mucha ta desaroyá su mes bon? Si esaki no ta asina, e investigadó di e konseho ta bin ku ideanan kiko por hasi. E investigadó di e konseho ta skirbi un rapòrt tokante esaki ku un konseho. Si ta trata problemanan na kas, e ora ei e investigadó di e konseho por entregá un petishon na hues pa un medida di protekshon hubenil. Ta su tarea pa sali na interes di e mucha.

E eksperto di kondukta

Esaki ta un kolaboradó di Voogdijraad ku ta yuda e investigadó di e konseho. E kolaboradó aki ta opservá e komportashon di mucha i mayornan i kon nan ta anda ku otro. Tambe e eksperto di kondukta ta yuda e investigadó di e konseho ku interpretashon di kontestanan riba preguntanan di investigashon. Tin bia e eksperto di kondukta ta pidi un mucha òf mayornan pa hasi tèstnan òf traha tareanan.

E eksperto hurídiko

Ora di asuntunan sensibel unda e proseduranan ku tin ku sigui mester ta profeshonalmente supstansiá, e investigadó di e konseho lo buska ayudo di un eksperto hurídiko. E persona akí ta enfoká partikularmente riba lei.