Protekshon di datonan personal

Kiko ta dato personal?

Dato personal ta informashon ku ta relashoná direktamente ku un persona òf informashon ku por ser asosiá ku e persona akí. Ehèmpelnan di dato personal ta adrès, number di telefòn i adrès di e-mail. Algun dato personal ta èkstra sensitivo, komo ku nan prosesamentu por tin hopi impakto riba bida di un persona. Datonan ku ta bisa algu tokante rasa, religion òf salú di un persona ta ehèmpelnan di datonan personal speshal pa kua leinan speshal ta aplikabel. Esei ta konta tambe pa datonan penal, manera dokumentashon hudisial (ántes nan tabata yama esaki un karchi penal) i medidanan di siguridat. E datonan akí ta  èkstra protehá pa lei. Dato personal di mucha semper ta sensitivo i pa e motibu ei semper nan ta èkstra protehá.

Prosesamentu di datonan personal den kaso di investigashon di Voogdijraad

Pa ehekushon di un kantidat di tarea legal, Voogdijraad CN ta warda datonan personal, tantu digital komo riba papel. Dato ku prosesá semper ta nesesario pa e propósito pa kua a kolektá nan. Voogdijraad CN no ta prosesá mas dato personal ku ta nesesario. Por ta trata e ora ei di bo nòmber, adrès i domisilio, pero tambe otro dato manera fecha di nasementu, lugá kaminda a nase òf nashonalidat. Ta trata e datonan akí hopi konfidensial i ta protehá nan debidamente. E kolaboradónan di Voogdijraad CN tin e obligashon pa mantené sekresia.

Obligashon pai duna informashon tokante datonan personal

Voogdijraad CN ta informá un kliente kua datonan personal ta prosesá i ku kua propósito. Voogdijraad CN ta bisa esei den e promé karta na e klientenan. Ta desviá di esaki solamente den e siguiente kasonan:

• Si e persona(nan) embolbí ya ta na altura ku lo kolektá, prosesá datonan personal i ku kua propósito;
• Si ta nesesario pa no duna informashon pa prevení, detektá i persiguí echonan kastigabel;
• Si ta nesesario pa no duna informashon pa protehá derecho- i libertatnan di esnan embolbí/ i/òf otronan;
• Si no a risibí e datonan di e persona embolbí mes i suministro resultá imposibel òf ta kosta esfuerso desproporshonal i lei ta preskribí nan registrashon òf suministro.

Ku ken ta kompartí bo datonan personal?

Ningun persona no tin derecho sin mas riba informashon tokante dato personal di un otro persona. Den hopi kaso Voogdijraad CN solamente por suministrá informashon si e persona embolbí a duna outorisashon pa esei. Den un kantidat di kaso Voogdijraad CN ta outorisá si i tin bia te asta legalmente obligá pa pidi otro organisashonnan dato òf suministrá dato na nan. Organisashonnan ku kende Voogdijraad CN ta kolaborá i por kompartí dato ku nan ta por ehèmpel korte, Ministerio Públiko, Kuido pa hóben ZJCN, jeugdreclassering i polis. Tambe por manda raportahe pa e abogado di e persona embolbí. Semper ta informá e persona embolbí tokante mandamentu di informashon pa otronan.

Por hasi uso di e datonan registrá na Voogdijraad CN tambe pa investigashonnan (sientífiko) basta ku garantisá anonimidat di e persona embolbí.

Abo mes pidi e dosié di e Konseho

Ta registrá kada intervenshon di Voogdijraad CN ku e mucha i su mayornan den un dosié di Konseho. E dosié akí ta kontené dato personal di e mucha i su mayornan i dokumentonan relevante, manera e rapòrt di Konseho. Voogdijraad CN ta warda e dosié di Konseho te ora e mucha kumpli 24 aña. Den kaso di un medida di terminashon di outoridat i den kaso di adopshon òf ‘screening’ di un famia di kriansa, ta warda un dosié di konseho pa tempu indefiní.

Un kliente por pidi Voogdijraad pa wak su dosié òf pa haña un kopia di su dosié. Pa esei e kliente mester mustra su legitimashon. Tin bia Voogdijraad CN no por aprobá e petishon mesora, por ehèmpel ora e dosié di konseho ta kontené dato personal di otronan tambe òf ora dunamentu di akseso no ta na interes di e hóben. Voogdijraad CN t puntra e otro personanan embolbí promé, kiko nan ta pensa di esei i ta disidí despues riba e petishon. Semper ta motivá desishonnan tumá por eskrito i ta posibel pa entregá opheshon.

Abo ta deseá di wak den e dosié ku Voogdijraad CN tin di bo, e ora ei bo por tuma kontakto ku e sitio ku bo tabatin di aber kuné. Si resultá ku bo datonan ta inkorekto òf inkompleto? E ora ei bo por hasi un petishon pa eliminá, kambia òf komplementá bo datonan.