Curvin George direktor nobo di kuido hubenil i bienestar di famia
Entrante 1 di yanüari 2018 Curvin George ta direktor nobo di e departamento di kuido hubenil i bienestar di famia di Hulanda Karibense. Despues di un proseso di selekshon apropiá, a nombra Curvin George den e funshon aki. Na e momentunan aki e ta direktor di Voogdijraad Hulanda Karibense. Un funshon ku e la ehersé for di yüli 2013. Promé ku esaki ela traha komo investigadó mayó di konseho na Voogdijraad.
Durante e último añanan aki Curvin George a yuda konstruí i mehorá e kalidat na Voogdijraad. E aña aki inspekshon di kuido hubenil a konstatá ku e kalidat di Voogdijraad ta na nivel. Esaki ta nifiká e investigashonnan na bienestar di siguridat di muchanan na Hulanda Karibense ta na nivel. Ela trese e kadena hudisial huntu den kuadro di kriminalidat hubenil. Aki den koperashon ku entre otro KPCN a desaroyá 3 modelo pa intervení den kaso di kriminalidat hubenil. Ela logra tambe pa despues di mas ku 10 aña trese tur direktor di voogdijraad den region huntu na Aruba. Esaki ku e meta pa trese koherensia den trabou i pa formulá un meta konhunto.
Den su funshon nobo Curvin George lo dediká su mes na kuido di hubentut na Hulanda Karibense. Curvin George: “Kuido di hubentut ta un sektor hopi importante na Hulanda Karibense i den e añanan binidero esaki meresé atenshon.”
Pa yena e funshon di direktor di Voogdijraad dentro di poko lo inisiá ku e proseso di solisitut.