Ki ora un menor di edat mester di un tutor temporal?

Un yu menor di edat por bandoná Boneiru pa su estudio pa bai biba den eksterior sin su mayornan. Tambe por sosodé ku abo komo mayor por bai den eksterior pa un periodo mas largu ku tres luna i ke laga bo yu atras serka un persona di konfiansa. Ta obligatorio e ora ei, pa asigná un hende ku ta tuma over e responsabilidat, kuido i edukashon di bo yu; un tutor temporal. Un tutor temporal ta un persona ku ta hasi aktuashonnan ofisial, den bo nòmber, pa e menor di edat, manera firma dokumentonan importante. Tambe e tutor temporal ta manehá e finansa. Mayornan ku outoridat di mayor, por hasi un petishon pa tutor temporal, na Voogdijraad CN. Despues un investigashon di ambiente lo tuma lugá serka e persona asigná dor di bo. Si no tin opheshonnan, e hues por nombra e persona komo tutor temporal i abo ta wòrdu suspendé for di e outoridat di mayor.