Kiko mi mester hasi si mi ta preokupá pa muchanan menor di edat?

Su bo ta preokupá tokante un menor di edat na Boneiru, bo por akudí ku bo preokupashon serka Guiami. Kolaboradónan di Guiami ta duna konseho i ta ofresé sosten ora tin pregunta òf sospecho di violensia doméstiko i maltrato di mucha. Tantu na víktima, outor, miembro di famia i esnan den besindat i na profeshonalnan. Ta dependé di e denunsia si ta sigui ku un konseho, ayudo òf sosten di parti di un organisashon di yudansa manera Jeugdzorg CN. Na Sint Eustatius i Saba bo por akudí ku bo preokupashon tokante un menor di edat serka Jeugdzorg CN.

Si tin preokupashon serio tokante siguridat di i/òf e desaroyo di un menor di edat ta kore peliger serio, Jeugdzorg lo entregá un petishon pa investigashon serka Voogdijraad. Voogdijraad CN ta kuminsá despues ku un investigashon di protekshon pa konsehá e hues di mucha kiko ta mihó na interes di e menor di edat. Si for di e investigashon resultá ku mester bin ayudo fòrsá, Voogdijraad ta pidi e hues di mucha pa imponé un asina yamá medida di protekshon di mucha. E medida mas komun ta ponementu bou di supervishon. E famia ta obligá di aseptá e ayudo akí.