Kiko ta e ròl di e Voogdijraad den kasonan di OTS?

E tarea di Voogdijraad CN ta pa hasi investigashon i duna konseho na e hues di asuntunan di mucha. Despues e Voogdijraad CN no tin niun ròl mas den e kaso. Si e hues di asuntunan di mucha deklará un ponementu bou di supervishon, e ora ei e kaso ta wòrdu referí na Jeugdzorg CN i e famia ta wòrdu asigná un tutor di famia. E tutor di famia ta guia e mucha i ta asistí e mayor(nan) pa solushoná e problemanan di lanta e yu. E tutor di famia ta enkargá ku e ehekushon di e supervishon. E tutor di famia mester sòru pa e problemanan di lanta e yu ku ta menasa e desaroyo di e yu, wòrdu solushoná. E tutor di famia ta guia i sostené e mayor(nan) i e yu.  Tambe e tutor di famia ta start e yudansa na e famia. Si ta nesesario e tutor di famia ta duna instrukshonnan ku e famia i e yu mester sigui.