Kiko ta e suma stándart di alimentashon pa yu?

No tin un tabèl stándart unda tin pará kiko un yu tin mester pa kada kategoria di edat. Si mayornan no por yega na un akuerdo boluntariamente tokante e areglo di alimentashon, e ora ei Voogdijraad CN ta intermediá. Voogdijraad CN ta investigá e forsa finansiero independientemente di tur dos mayor i e nesesidatnan mará na e edat di e yu. Voogdijraad CN ta papia durante e investigashon ku tur dos mayor. A base di esaki Voogdijraad CN ta saka un rapòrt di konseho. Despues di e investigashon Voogdijraad CN ta diskutí e konseho ku e mayornan. E rapòrt di konseho despues ta wòrdu presentá na Korte, kaminda e hues ta yega na un desishon.