Kon, komo mama, mi por haña un prueba ku mi ta legalmente enkargá ku e solo outoridat di mi yu?

Bo ta un mama ku no ta kasá, i bo yu menor di edat ta rekonosé dor di e tata? E ora ei den e mayoria di kasonan bo ta legalmente enkargá ku e solo outoridat pa bo yu menor di edat. Si bo ke, bo por pidi un dokumento ofisial serka e Korte den promé instansia, den kua ta pará ku abo ta e úniko mayor ku outoridat. Esaki por ta kumbiniente si bo, por ehemplo, ke biaha pa eksterior ku bo yu i e tata no ke duna pèrmit. Ku un ‘deklarashon di e sekretario di korte’ bo por hasi esaki (si en bèrdat bo ta enkargá legalmente ku e outoridat di mayor). Tuma kontakto ku e Voogdijraad CN pa esaki.