Tutela ora e mayornan fayesé

Tokante e investigashon di e konseho bo ta lesa na Kon un investigashon di Voogdijraad CN ta bai. Solamente e investigadó di e konseho no por papia ku e mayornan relashoná ku e investigashon akí.

E investigadó di e konseho ta papia ku e mucha i ku demas miembronan di e famia i otro informantenan manera skol, kuido pa hóben, polis. Si tin miembronan di famia ku tin gana di tuma e tutela riba nan, e ora ei e investigadó di e konseho ta papia ampliamente ku nan. Ta importante pa haña un bista kompleto di e situashon i di e deseonan di e mucha.

E investigadó di e konseho na final di investigashon ta skirbi un rapòrt. Den e rapòrt tin pará un relato di e kombersashonnan ku el a hiba. Tambe e ta duna un konseho tokante kiko e mihó solushon pa tutela pa e mucha ta. E investigadó di e konseho ta diskutí e rapòrt ku e mucha i e famia. Despues e ta manda e rapòrt pa hues.

Hues ta lesa e konseho di Voogdijraad. Tambe e ta skucha deseonan di e mucha i di e famia. Si hues apuntá un miembro di famia òf amigu komo tutor, e persona ei mester aseptá esaki ainda si. Niun hende pues no por bira tutor kontra su boluntat.

Si no tin niun persona adekuado pa bira tutor òf si niun hende ofresé su mes, hues e ora ei ta apuntá un organisashon di tutela. E organisashon di tutela akí ta trata pa haña un famia di kriansa òf ta guia e mucha pa e biba riba su mes. Por ta tambe ku un organisashon di famia tin e tutela e ku e mucha ta biba tòg serka un miembro di famia.

E persona ku hues apuntá komo tutor, for di e momentu ei tin tutela riba e mucha. E ta tuma desishonnan importante huntu ku e mucha i ta mira p’e. Muchanan ku tin un tiki mas edat, por disidí pa no bai biba serka e tutor. E ora ei e tutor ta guia e mucha pa e biba riba su mes.