Tur hende ku ta traha, por tuma sierto tipo di ferlòf. Esei ta reglá den lei. Por ehèmpel ferlòf pa fakansi, embaraso, i ferlòf di parto.
Fuera di e tiponan di ferlòf legal aki, tambe por regla otro tiponan di ferlòf den un cao òf un kontrato di trabou. Esaki ta ferlòfnan spesial, manera ferlòf pa un matrimonio òf un mudansa.
Ferlòf legal
E siguiente areglonan di ferlòf ta reglá den lei:
E derecho riba fakansi ta reglá den e Vakantiewet 1945 BES
Den e Burgerlijk Wetboek BES Boek 7a a regla e siguiente tiponan di ferlòf:
- Ferlòf di embaraso i di parto
- Ferlòf di kalamidat
- Ferlòf di kuido di durashon korto
| Tipo di ferlòf | Pa ken | Durashon | Kon pa tum’é | Pago |
|---|---|---|---|---|
| Fakansi | Empleado |
Minimalmente 3 biaha e kantidat di ora ku ta traha pa siman sigun e kontrato di trabou. | Den konsulta ku e dunadó di trabou. | Durante e ferlòf aki e empleado ta mantené su salario. Ta sigui paga 100% di e salario. |
| Ferlòf di embaraso | Mama |
6 siman den kaso di embaraso di ún yu.
|
Den kaso di embaraso di ún yu: for di 6 siman promé ku e dia despues di e fecha kalkulá, minimalmente 4 siman promé ku e dia despues di e fecha kalkulá. Den kaso di embaraso di dos yu òf mas: for di 10 siman promé ku e dia despues di e fecha kalkulá, minimalmente 8 siman promé ku e dia despues di e fecha kalkulá. |
Durante e ferlòf aki e empleado ta mantené su salario. Ta sigui paga 100% di e salario. Pa dunadó di trabou: E pago di pèrdida di salario ku e dunadó di trabou ta risibí di e Unidat SZW di RCN ta un máksimo di 100% di e salario pa dia. |
| Ferlòf di parto | Mama |
10 siman Den kaso ku interná e yu den hospital te ku 10 siman èkstra. | 10 siman mesora despues di e parto. |
Durante e ferlòf aki e empleado ta mantené su salario. Ta sigui paga 100% di e salario. Pa dunadó di trabou: E pago di pèrdida di salario ku e dunadó di trabou ta risibí di e Unidat SZW di RCN ta un máksimo di 100% di e salario pa dia. |
| Ferlòf di kalamidat | Empleado | Ta dependé di e situashon. | Den kaso di un kalamidat ta deber di e empleado pa notifiká su dunadó di trabou. |
Durante e ferlòf aki e empleado ta mantené su salario. Ta sigui paga 100% di e salario. |
| Ferlòf di kuido di durashon kortiku | Empleado |
Maksimalmente 2 biaha e kantidat di ora ku ta traha pa siman sigun e kontrato di trabou, kada periodo di 12 luna siguí. E periodo di 12 luna ta kuminsá riba e promé dia di ferlòf ku ta tuma. | Den kaso di kuido nesesario di un miembro di famia yegá òf un relashon sosial relashoná ku un enfermedat: pa e empleado ta deber di e empleado pa notifiká su dunadó di trabou. |
E empleado no tin derecho riba mantenshon di su salario Si, e dunadó di trabou por skohe pa sigui paga e suèldu. |
Asistensia den kaso di un diferensia di opinion
E empleado i e dunadó di trabou huntu mester regla e areglo di ferlòf. Huntu bosnan no ta yega na un akuerdo? E ora ei por embolbí SZW Asuntunan Laboral.