Inspekshon di Labor
E Inspekshon di Labor ta kontrolá si doñonan di trabou i empleadonan ta tene nan mes na e leinan riba e tereno di di trabou honesto, seif i saludabel. Dor di e legislashon aki ta protehá e merkado di labor i ta kombatí labor ilegal, eksplotashon di labor i konkurensia deshonesto. Pa promové kumplimentu ku e leinan, inspekshonnan ta wòrdu tené i ta ehersé mantenshon atministrativo i penal. Banda di esei e Inspekshon di Labor ta okupá su mes ku duna informashon na doñonan di trabou i empleadonan. E Inspekshon di Labor ta un parti di e Unidat di RCN di Asuntunan Sosial i Empleo.
Tantu dunadó di trabou komo empleado tin interes den un lugá di trabou seif i saludabel, i konhuntamente ta responsabel pa esaki. Dunadónan di trabou ta duna instrukshonnan kla, ta krea un ambiente di trabou sigur, i ta sigurá sufisiente deskanso. Empleadonan ta traha segun instrukshonnan risibí, i ta tuma responsabilidat pa salú i seguridat di nan mes i di koleganan.
Formanan di mantenshon
E Inspekshon di Labor ta mantené e leinan riba e tereno di trabou i fasilidatnan sosial ku ta wòrdu ehekutá pa e Unidat SZW. Ta trata e ora ei di leinan riba e tereno di seguridat di trabou, oranan di trabou i sosiegu, trabou di estranheronan, leinan di pèrdida di salario, salario mínimo i retiro. Pa promové kumplimentu ku e regulashon di e leinan, e Inspekshon di Labor ta duna informashon, hasi inspekshonnan i e por imponé kumplimentu ku lei.
Informashon
E Inspekshon di Labor ta informá doñonan di trabou i empleadonan tokante e leinan i reglanan vigente. Esaki ta tuma lugá entre otro pa medio di reunionnan i foyetonan di informashon. Foyetonan di informashon pa diferente sektornan ta disponibel na hulandes, papiamentu, ingles i spañó.
Inspekshonnan
E Inspekshon di Labor tin e outoridat pa hasi inspekshonnan sin anunsio, den kompanianan. E doñonan di trabou i e empleadonan ta obligá pa koperá ku esaki.
Tin biaha e inspekshon ta tuma lugá relashoná ku un aksidente òf un keho. Pero ta hasi inspekshonnan tambe den e kuadro di proyektonan di inspekshon. E ora ei diferente kompania den un sektor ta wòrdu inspektá pa pone tendensianan i problemanan den un sektor riba mapa.
Instrumentonan pa kumplimentu ku lei
E Inspekshon di Labor tin e outoridat pa imponé but atministrativo i pa hasi investigashonnan penal. Esaki ta nifiká ku e inspektor di e Inspekshon di Labor, komo polis ekstraordinario, por traha un prosès verbal i entregá esaki serka Ministerio Públiko. Klik aki pa splikashon tokante e diferente instrumentonan ku e Inspekshon di Labor por utilisá pa imponé kumplimentu ku lei.
Notifikashon di aksidente na trabou
Ora ta trata di un aksidente na trabou, bo mester mèldu esaki den sierto kaso. Lesa mas.
Leinan i regulashonnan
E Inspektornan di e Inspekshon di Labor ta apuntá dor di e Minister di Asuntunan Sosial i Empleo, komo ámtenarnan di supervishon di e regulashonnan di SZW BES. Klik aki pa tur lei i regulashon ku e Inspekshon di Labor ta supervisá.