Seguro di kuido médiko pa studiante
Bo por mantené bo seguro di kuido médiko si bo ta bandona Boneiru, Sint Eustatius òf Saba pa bai studia den eksterior. Esaki ta posible solamente si studiamentu ta konekta direktamente ku bibamentu riba un di e islanan.
No ta importá na unda bo a bai pa studia. Si bo ta den nesesidat di kuido médiko den eksterior, bo tin derechi riba kompensashon di e gastunan di kuido. E kompensashon ta maksimá na e nivel di preis di kuido den region i/òf Hulanda. Por sosodé pues ku gastunan di kuido médiko ta mas karu e lugá unda bo ta studiando. Ta keda na bo responsabilidat pa den tipo di kasonan asina bo será un seguro suplementario.
Entrante 1 di yuli 2022 un kambio di lei a drenta na vigor ku tin influensia riba studiantenan ku ta studia na Hulanda Europeo: Staatsblad 2022, 193 | Overheid.nl > Officiële bekendmakingen (officielebekendmakingen.nl)
Bo ta bai studia na Hulanda Europeo? Sigui e instrukshonnan den e karta ki:
Inskripshon di studiantenan pa seguro di kuido na otro paisnan ku Hulanda Europeo
Pa por hasi apelashon pa seguro di kuido pa studiantenan, e studiante mester manda (via e-mail) pa ZJCN:
- Kopia di un legitimashon bálido di identidat (sédula/burgerservicenummer);
- Kopia di prueba di kanselashon for di registro sivil di e isla unda e studiante tabata biba;
- Kopia di prueba di inskripshon den registro sivil di e pais unda e studiante a bai studia;
- Kopia di prueba di inskripshon di pa estudio.
A base di di e datonan aki ZJCN lo kontrolá si e studiante tin derecho riba seguro di kuido. Si esaki ta e kaso, lo otorgá e studiante un prueba ku e ta sigurá (‘bewijs van zorgverzekering’). Si esaki no ta e kaso, lo pone e studiante na altura di esaki. ZJCN ta hasi su esfuerso pa otorgá e prueba di seguro mas lihé posibel. Por dirigí tur petishon na: info@ZorgVerzekeringsKantoor.nl
Kobransa di dunadó di kuido
E dunadó di kuido por kobra ZJCN direktamente. E mester manda tantu e faktura komo e prueba di seguro di e studiante pa: declaraties@zorgverzekeringskantoor.nl
Kobransa dor di e studiante
Por sosodé ku e studante mes mester paga e gasunan di kuido médiko adelantá. Den kasonan asina, e studiante mes por kobra esaki bèk serka ZJCN. Kobransa bèk por sosodé den tres stap simpel:
- Stap 1: Download e formulario di kobransa i yena esaki na Formulario di deklarashon
- Stap 2: Añadí e fakturanan original na e formulario di kobransa. Paga tinu: no ta tuma kopia di faktura, kobransa of rekordatorio di pago.
- Stap 3: Manda e kobransa na:
| Postadres |
|---|
| ZJCN |
| Declaratie Student |
| P.O. Box 357 |
| Bonaire, Caribisch Nederland |
Tip: saka kopia
Saka kopia di e formulario di kobrnsa i di e fakturanan original ba bo atministrashon priopio.