Ku ken mucha i mayornan ta haña nan mes ta atendé kuné ora di un divorsio ku konflikto?

Abogado

Mayornan ku ta kasá, tin mester di un abogado pa por divorsiá. Nan mes mester sòru pa esaki. E abogado ta presente na e seshon di korte. E abogado por ta mediadó tambe.

Mediadó

Un mediadó ta un intermediadó, un persona ku su trabou ta pa solushoná konflikto. E ta bai papia ku e mayornan i e mucha pa tende kiko nan kier. E ta trata di e manera ei pa yuda e mayornan, di manera ku nan ta yega na akuerdo tokante kuido di e muchanan despues di e divorsio. Mayornan por akudí na Jeugdzorg CN òf Sentro pa Hóben i Famia (Centrum Jeugd en Gezin) pa intermediashon ora di un divorsio ku konflikto.

E investigadó di konseho

Esaki ta un kolaboradó di Voogdijraad CN ku ta duna konseho ora di un divorsio ku konflikto, si hues pidi esaki. Ta bai pa kon por regla kuido di e muchanan mas mihó posibel, òf tokante outoridat òf alimentashon. E investigadó di konseho ta hiba kombersashonnan ku e mayor-, mucha- i otronan ku konosé e famia bon. Ta su tarea pa defendé interes di e mucha. Su konseho ta bai pa hues.

Hues

Un hues di derecho di famia ta tuma un desishon riba loke ta e mihó areglo pa e muchanan. Esaki ta sosodé den un enkuentro den korte: e seshon di korte.