Ki ora e outoridat di mayor riba un yu ta para?

Den kaso di peliger pa desaroyo di yu

Den kaso di problema serio ku edukashon, hopi bia ta ofresé bo asistensia promé. E ayudo aki no ta sufisiente, òf abo òf bo yu no ke haña asistensia, siendo ku ta parse ku desaroyo di e yu ta seriamente na peliger? E ora ei, un instansia pa asistensia hubenil por envolví Konseho di Tutela CN. Konseho di Tutela CN ta investigá si desaroyo di bo yu ta seriamente na peliger. I si tin otro posibilidat pa para e problemanan. Tambe wak: Problema na kas.

Tutela despues ku a pone fin na e outoridat

Hues hubenil ta pone un fin na bo outoridat riba bo yu? E ora ei, un institushon ku ekspertisio òf un mayor di kriansa ta haña outoridat riba bo yu. Den e kaso ei, ta nan ta ehersé tutela riba bo yu. E ora ei, lo lanta bo yu den un famia di kriansa òf un institushon. E tutor lo envolví bo te kon leu ta posibel i lo informá bo tokante bo yu.

Para outoridat konhunto di mayor

Abo i bo partner ta bai for di otro, pero boso ke sigui kompartí e outoridat di mayor? E ora ei, bo mester entregá un petishon p’esaki serka hues. Si bo no hasi esei, e ora ei e hues ta indiká na kua mayor lo asigná e outoridat den kaso di un divorsio.

Boso tin pleitu hopi pisá, sin bista riba un mehorashon? E ora ei por papia di un divorsio ku konflikto i bo por pidi hues pa tuma un desishon. E hues mes e ora ei tambe por tuma un desishon ora e ta teme ku boso ta neglishando e interesnan di e yu. Despues ku para e outoridat konhunto, ketu bai e otro mayor tambe mester paga pa eduká i kria e yu.