Kiko ta e diferensia entre rekonosementu i outoridat?
Tin mas i mas mucha ta nase for di un relashon entre mayornan ku no ta kasá. Den kasonan asina, despues di nasementu di e yu, un mama adulto generalmente ta e úniko ku tin outoridat di mayor riba e yu.
Bo por rekonosé bo yu ora bo no ta e tata hurídiko di bo yu. Esaki ta nifiká ku bo no ta kasá ku mama di e yu. Ora bo rekonosé un yu, bo ta bira mayor hurídiko di e yu. Bo ta haña algun derecho i obligashon e ora ei.
Despues di e rekonosementu, no ta asina ku e tata tambe tin outoridat riba e yu mesora. Ora e mayornan no ta kasá, e mama ta sigui enkargá ku outoridat di mayor, tambe despues di e rekonosementu. E no tin mester di pèrmit di e tata pa regla asuntunan importante pa e yu manera bishita di dòkter, regla un pasport òf biaha bai den eksterior ku e yu.
Bo tambe ke bira representante hurídiko di e yu? Pues, atendé asuntu di e yu konhuntamente i tin e derecho pa tuma desishon importante tokante e yu? E ora ei, despues di e rekonosementu, bo mester pidi outoridat di mayor (konhunto) tambe.