Kiko ta rekonosementu i kua derechi mi tin, komo tata, ora mi rekonosé mi yu?

Un tata por bai e departamento di Asuntunan Sivil (burgerzaken) mesora despues di e nasementu di un yu, pero mas despues tambe, pa rekonosé e yu, ku permiso di e mama, i eventualmente di e yu, pa asina e yu haña su fam. Dor di e rekonosementu ta krea un relashon hurídiko di famia, entre esun ku ta rekonosé i e mucha. Ora bo rekonosé un yu, bo ta bira e mayor hurídiko di e yu. Bo ta haña un kantidat di derecho i obligashon. Pero despues di e rekonosementu e tata no tin outoridat riba e mucha. E mama pues ta keda, despues di e rekonosementu tambe, kompletamente enkargá ku e outoridat di mayor. E no tin mester di pèrmit di e tata pa regla asuntunan importante pa e yu, manera bishita di dòkter, regla un pasport òf pa biaha ku e yu pa eksterior.