Tutela temporal Hulanda Karibense

E mayor(nan) enkargá ku outoridat ta entregá un petishon pa tutela temporal serka Voogdijraad CN riba e isla unda e mucha ta bai òf ta keda biba. Si e petishonario ta un otro persona ku e mayor(nan) enkargá ku outoridat, e ora ei por hasi e petishon ku un apoderashon. Un formulario di apoderashon bo ta haña parti abou di e página akí.

Por entregá un petishon durante e oranan di konsulta sin sita di Voogdijraad CN riba djamars i djaweps entre 09:00 or i 11:00 or di mainta. Si bo no por bin Voogdijraad CN durante e oranan di konsulta, bo por traha un sita via telefòn ku Voogdijraad CN riba e isla unda e mucha ta bai biba.

Bo mester trese tur dato personal di e mayor(nan) enkargá ku outoridat, di e menor di edat i e tutor temporal proponé. Na parti abou di e página akí bo ta haña un lista kompletu di loke bo mester trese si bo ta entregá un petishon pa tutela temporal serka Voogdijraad CN.

Paga tinu: Si e menor di edat no ta inskribí ainda riba e isla di destinashon i e ta bin di un ei e pais(isla)nan pafó di Hulanda Karibense, pidi e ora ei un deklarashon di intenshon promé serka IND. Si e tutor temporal deseá ta kumpli ku e kondishonnan, e ora ei bo ta haña e deklarashon di intenshon akí. Bo tin mester di esaki ora bo bin entregá un petishon pa tutela temporal serka Voogdijraad CN. Si e Voogdijraad CN duna un konseho positivo, e ora ei numa e prosedura di IND pa un pèrmit di estadia ta start.

Un investigadó di e konseho ta start un investigashon di e situashon di biba di e tutor deseá. Na komienso di e investigashon e mayor(nan) i e tutor deseá ta risibí un karta den kua ta splika e prosedura. A base di e investigashon akí Voogdijraad Caribisch Nederland ta duna konseho si e tutor temporal deseá ta apto pa keda enkargá ku e responsabilidat pa e mucha.

E investigashon ta dura maksimal tres luna. Si e investigashon dura mas largu, ta informá esnan konserní tokante esaki.

Kon e investigashon di e konseho  ta bai?

E investigadó di e konseho ta skirbi na final di e investigashon un rapòrt i e ta duna ei den un konseho. Den e konseho akí tin pará si na interes di e menor di edat pa e bai biba serka e tutor temporal. Si no tin ningun  opheshon, ta pidi e ora ei e futuro tutor temporal pa firma un deklarashon den kua e ta bai di akuerdo pa fungi komo tutor temporal.

Ta invitá e mayor(nan) tambe serka Voogdijraad CN pa diskutí e konseho. Den kaso di un  konseho positivo e mayor(nan) ta firma un deklarashon den kua e mayornan ta bai di akuerdo pa keda suspendé (temporalmente) di e outoridat di mayor. Despues e petishonario ta haña tur dokumentu pa bai kuné i e por entregá esakinan na korte.

E mayor(nan) enkargá ku responsabilidat ta entregá e dokumentonan na korte. E gastunan ta suma 28 dòler i ta pa propio kuenta. Si akaso e mayor(nan) mes no por entregá e dokumentonan, e ora ei e tutor temporal proponé por hasi esaki. Pa esaki tin mester di un apoderashon di e mayor(nan) enkargá ku outoridat.

Korte lo planiá un enkuentro: e seshon di korte. E mayor(nan) i òf e tutor temporal i e mucha ta risibí un invitashon pa esaki. Despues di e veredikto di hues e mayor(nan) enkargá ku outoridat ta risibí un dokumento: un desishon. Ei den tin pará e veredikto.

E persona ku hues a apuntá komo tutor temporal, ku e desishon por atendé interesnan di e menor di edat. E ta tuma desishonnan importante huntu ku e mucha i ta kuid’é. Muchanan ku ta un tiki mas grandi, por disidí pa no bai biba serka nan tutor temporal. E ora ei e tutor temporal ta guia e mucha pa e por biba riba su mes.