Na 2025 abo komo habitante di Boneiru, Sint Eustatius i Saba ta haña un number di servisio pa siudadano (BSN, burgerservicenummer), hopi biaha abreviá komo BSN. E BSN ta bo number personal di 9 sifra, i e ta konektá na bo datonan personal.
Number personal úniko
Regla bo asuntunan ku instansianan di gobièrnu online semper i tur kaminda. Pa sòru ku den futuro tambe bo por regla asuntu seif ku instansianan di gobièrnu na Hulanda Karibense, for di awor bo ta haña un BSN. Ku un BSN bo por hasi petishon pa e medio di ‘log in’ DigiD. E DigiD bo ta usa pa indiká online ken bo ta ora bo ‘log in’ riba wèpsait di instansianan di gobièrnu. P’esei, ku un BSN bo ta prepará pa e futuro ei. E number di ID ku bo tin awor lo keda den uso pa e añanan benidero, pero na final lo remplas’é ku e BSN.
Uso BSN
Instansianan di gobièrnu ta usa e BSN den nan atministrashon. Pa motibu ku e ta un number úniko i personal, instansianan di gobièrnu por buska i registrá bo datonan lihé i ku fasilidat. Na mes momentu, e BSN ta bo number personal ku niun otro hende tin. P’esei, warda bo BSN bon i no kompartié ku otronan.
Rekohé karta di BSN
Na aña 2025 bo por rekohé bo karta di BSN durante e simannan di rekohé BSN. Unda i orario ku esaki ta posibel, lo bo haña sa mas lat e aña aki. Bo ta risibí e karta di e entidat públiko kaminda ku bo ta inskribí. Habitantenan ku tin un BSN kaba, ta mantené e mesun number i nan tambe por pasa buska un karta.
Bo ke sa mas?
Lesa e preguntanan hopi hasí aki.
